آتن د زوݩ یۊنانی : Αθήνα، گوتن: آسینا) پاتخت ولات یۊنانه). نوم ایٛ شٱئر ویرگارمن(تاریخی) د نوم آتنا خدا ویردونسمنی(خرد) جنڳ ایٛ شٱئر گرته بیه. ایٛ شٱئر ها د راساگه آتیکا ولات یۊنان ۉ یکیٛ د شٱئریٛا فره دمادار(قدیمی) دۏنیا ئٱ، ویرگار(تاریخ) ایٛ شٱئر نزیک و ۳۴۰۰ ساله. د گات دماتری آتن یکیٛ د ولات شٱئریٛا فره پیشکرده(پیشرفته) د راساگه(منطقه) پیرائۊس بیه. جۊری که ایٛ شٱئر پاتخت دونسمنی(علم)، یا گرتن، هونر ۉ فلسفه دۏنیا اۊسنی بیه. هونه ؽا ٱفلاتوݩ که د آکادمی یا دونسمنگه(دانشگاه) ۉ هونه ارستۊ که د گات(زمان) در وٱنن دونسمنی ۉ رئزهشت(فرهنگ) نوم دیٛار(مشهور) بینه نشوݩ دؽارکوݩ(شاخص) جاگٱ و دی اوماین شٱئرآویشته یی(تمدن) ٱفتاونشیݩ(غرب) ۉ مردم کیٛخایی(دموکراسی) د ایٛ راساگه بیه جۊری که د سده پنجم دما زارۊ(دما میلاد مسیح) ایٛ راساگه کارگرایی(تاثیر) فره یی د دٱسگرته ؽا سؽاسی، اومۊری(اقتصادی)، صنعتی ۉ چیٛا هنی د هومبست(قاره) اورۊپا ایسنی ۉ رۊم اۊسنی داشته .
شٱئر آتن د دیجا اومۊری د راساگه هارگه ٱفتاوزنوݩ(جنوب شرق) هومبست اورۊپا فره پیشکرده(پیشرفته) ئا. شٱئر آتن د سال ۲۰۱۱ زارۊیی(میلادی) ۶۶۴ هزار کس نفۊس داشته ۉ جاگپی(مساحت) ایٛ شٱئر نزیک و ۳۹ کیلٛۊمتر چارسیک(مربع) بیه ۉ تٱپسن(تراکم) نفۊس د ایٛ شٱئر فره زؽاده. اۊساْ شٱئر آتن ۉ زؽربٱئرجایا(بخشِؽا) نزیکش نزیک و سه ملٛیوݩ ۉ نود هزار کس د سال ۲۰۱۱ نفۊس داشته، میرات گات کلاسیک هین شٱئر آتنه. ایٛ شٱئر د گاتیٛا پارتنون، امپراتۊری رۊم و امپراتۊری عوسمانی فره پیشکرده بیه ۉ نقش اساسی د شٱئرآویشه یی ٱفتاونشیݩ(غرب) داشته.
سرچشمه
