قاجار (قٱجٱر)، قاجاریٱ یا قاجاریا نوم دۊدموݩؽ ئٱ کاْ د نزیک سال ۱۱۷۴ تا ۱۳۰۴ ڤ اؽروݩ ڤ سی گات نزیک سد ۉ سی سال پاتشایی کردن. رٱڤٱندیٛار اؽ سلسلٱ آقا موهٱمٱد خوݩ قاجار ٱ. اۊ ٱڤٱل د ساری مودٱعی پاتشایی ڤ اؽروݩ بی ۉ پاتٱخت خوشاْ اؽ شٱئر دیٛاری کرد ۉ دما گرتن قٱفقازیٱ ۉ سٱرکۊب کولٛ اومٱرا ۉ پاتشایی میٛنجا ڤلاتی د تاٛئروݩ جاگیٛر بی ۉ گوت ایچاْ ڤٱ ناْ داراْلخلافٱ ئا ۉ آخری پادشا قاجار، ٱئمٱد شا قاجار بی کاْ د سال ۱۳۰۴ بٱرکنار بی ۉ رزا شا پٱئلٱڤی جا اۊ ناْ گرت.
سٱردۊدموݩ قاجاریٱ مٱربۊت ڤ یٱکؽ د تایفٱیا تۏرک اغوز ڤ نوم اؽل قاجار بی کاْ ڤ کارگرایی یورش موغول د آسؽا مؽنجا مالکنوݩ کردن سی ایٛروݩ. ڤنو ٱڤٱل نزیک ٱرمنسوݩ ایٛسجا بیئن.
هوندوݩ قاجار یٱکؽ د هونڤادٱیا دارا زؽرتٱلٛؽا نسبٱتٱن زؽاد د اؽروݩ مٱئسۊب مؽبی ۉ آخری دۊدموݩ پادشایی تۏرک تبار ڤیرگار اؽروݩ د اؽ هوندوݩ بی. ٱعزا اؽ هوندوݩ د نٱڤادٱیا کوری شازادٱیا قاجار هؽسن. دما د اْجباری بیئن نوم هونڤاداٛیی ۉ شناسنومٱ د دۉرٱ رزاشا، هٱرکوم د تٱلٛؽا ای هونڤادٱ نومؽ اْنتخاب کردن کاْ ٱغلٱب بٱرگرتٱ د نوم یا لقٱب شازاداٛیی بی کاْ نسٱب خوش ناْ ڤ اۊ مؽ رٱسٱنن. ایساْ فرٱ د نڤادٱیا قاجار د اؽروݩ، جمهۊری آزٱربایجان، اورۊپا ۉ اْمریکا زناٛیی مؽکٱن.
سرچشمٱ
