خورموئٱ گپتری شٱئر لٛۏرنشیݩ، بیس ۉ سئمی شٱئر پورنفۊس ولات اؽروݩ ۉ پاتخت لٛۏرسوݩ ئٱ. نوفۊس شٱئر خورموئٱ د ری سرشماری سال ۱۳۹۰ سامونجا(سازمان) آمار اؽروݩ، ۳۴۸٬۲۱۶ کٱس بیٱ.
اؽ شٱئر ۱۱۴۷٬۸ متر بلنڳتر د دریا ئٱ ۉ ها مؽنجا زاگرس. دیری شٱئر خورموئٱ تا شٱئر تاٛئروݩ ۴۹۰ کیلۊمتر ٱ.
ویرگار
دما ویرگار
خایدالۊ
خایدالۊ یکؽ د شٱئرؽا نازاز شٱئرآویشته یی(تمدن) عیلٛام ئٱ ۉ نوم دماتری(پیشین) شٱئر خورموئٱ بیٱ. چنی مۉئٱن کاْ شٱئر شاپۊر خاست وه فرموݩ شاپۊر دۏئم ساسانی ری رومسه یاش دۏرس بیٱ. د شٱئرؽا نازار شٱئرآویشته یی عیلٛام خایدالۊ، ماداکتو، ٱئواز ۉ شۊش بینٱ.
شاپۊرخاست
شاپۊرخاست یٱکؽ د شٱئرؽا دۉرٱ ساسانیا ئٱ. اؽ شٱئر د جاؽی کاْ اؽمرۊ نومش خورموئا وه فرمون شاپۊر دۏئم دۏرس بیٱ. شاپۊر خاست دما چۊلکاری مغول د اؽروݩ کاملٱن رومسٱ.
دما اْسلام
نوم شاپۊر خاست د کتاویا قدیمی تا سال 622 قمری (ٱولؽا سدٱ هفتم) دؽاری کردٱ. ولی دما سدٱ هشتم تٱنڳؽا نوم خورموئٱ دؽار ئٱ. وه اْحتمال فرٱ د آخرؽا سدٱ هفتم شٱئر شاپۊر خاست کولٛن رومسٱ ۉ چۊل بیٱ.
سرچشمٱ(منبع)
