معرفی یَکؽ د نومدیارون لٛۏر
پروفسور حسین بهاروند یَکؽ د نومدیارترین متخصصیا ۉ گپ ترین پژۊهشگریا اؽران د حۉزه زهشت شناسی(زیست‌شناسی) ۉ سلۊلیا بنیادیه که خزمت فره گپؽ وه وا نها رَتن اؽران د سلۊلیا بنیادی مؽن انستیتو رۊیان کِرده.
حسین بهاروند د سال ۱۳۵۰ د اصفهان اوما وه دی. دائا ۉ باوه‌ش زائؽنده خورماوه د ولات لٛۏرسون بین. بهاروند سال ۱۳۷۳ د دونِسمالگه شیراز وا مدرک کارشناسی گرؽنجگیر* بی. د سال ۱۳۷۵ مدرک کارشناسی پائَه بَرز خوشِن د دونسمالگه شهید بهشتی تهران گرت ۉ د سال ۱۳۸۳ وا مدرک دکترا د دونِسمالگه خوارزمی گرؽنجگیر بی.
بهاروند د سال ۱۳۸۲ سی اولین گِلٛ د اؽران سلۊلیا بنیادی آیِم ۉ میشکن امائیه کرد ۉ تا ایسه هم د وا نها رتن کار سلۊلیا بنیادی د اؽران کاریا ۉ خزمتیا فره گپؽ کِرده. بهاروند د سال ۱۳۸۶ تا ایسه سرجرغه دپارتمان زیست‌شناسی دونسمالگه علم ۉ فرهنگ تهران ۉ اندومیار هیأت علمی پژۊهشگاه رۊیانه.
یک توضیح:
گرؽنج: ۱. ذره، تکه ۲.گراد( درجه)
گرؽنج گرؽنج: به تدریج
در انگلیسی نیز graduation در اصل یعنی گراد و درجه گرفتن( در علم) که در فارسی به فارغ‌التحصیلی ترجمه می‌شود
گرؽنجگیر معادل پیشنهادی برای فارغ التحصیل
