آدام اْسمیت وه دی اۊمایٱ د (۵ ژوئن ۱۷۲۳ -د دۏنیا رتٱ د ۱۷ ژۊئیه ۱۷۹۰) یاْ فیلٛسۊف اْسکاتلندی بی که و وا داسوݩ پیشکردٱ یار اومۊری سیاسی ۉ بۊئٱ دۊنسمنی اومۊری مدرن نوم دؽارٱ. وه یکیٛ د ویر ۉ باور سازیٛا سرمایه داری مدرن ٱ، و دۏ کتاو ثروت زایارٱیا ویر ۉ باوریٛا خوشاْ دباره اومۊری دیٛارکاری کردٱ.
آدام اْسمیت کور یاْ وکیل که ولات نشیݩ کیٛرکالدی که ها د راساگٱ فیف ولات اسکاتلٱند بیٱ. ویرگار و دیر اوماین وه دؽار نؽ ولی چنی که گوتنٱ وه د سال 1723 زارۊیی اومائٱ و دیر ۉ وه د پومزٱ سالاْیی رت د دونسمنگه گلاسکو ۉ آمۊختارکاری د رشته یا فلسفٱ ٱخلاقی ۉ کومولٱیٱکی ناْ شرۊ کرد ۉ د اۊچه بی که فلسفه ٱخلاق ناْ د فرانسیس هاچسون یا گرت. د سال ۱۷۴۰ زارۊیی و وا بۊرس سنل دونسمٱنیجا گلاسکو رت د کالج بالیۊل دونسمنگه آکسفورد ۉ و د سال ۱۷۴۶ زارۊیی اۊچه نه ولٛ کرد. د سال ۱۷۵۱ زارۊیی و وا دیوید هیۊم نویسیار ۉ فیلٛسۊف دس وه کار ۉ نومدؽار اسکاتلندی آشنا بی. میٛنجا ایٛ دۏ تا د دیجا اْتقاتی ۉ شخصی نزیکی بیٛشتری نسبت د باقی آئمیٛا نومدؽار ۉ جادیٛار د نظر رۊشناکاری اْسکاتلند بی. د همیݩ سال بی که اسمیت گیرینج جا اوستادی گاتدیٛار آمۊختارکاری منطق ناْ د دونسمنگه گلاسکو گرت ۉ د اۊچه شرۊ کرد و درس دٱئن رشتٱ منطق.
چاپ کتاو ویر ۉ باور عاطفه یا ٱخلاقی د سال ۱۷۶۲ زارۊیی ۉ نوئا د رٱگ ویر موسس گات خوش. د همیݩ سال بی که دونسمنگه گلاسکو داسوݩ دۏگدۏرا قوانین (.LL.D) نه دٱ د و ولی د سال نوئاش؛ اسمیت د گات سال آمۊختارکاری، گیرینج جا اوستادی خوشاْ ولٛ کرد تا بتونٱ و هنری اسکات ناکوری چارلز تاونشند (رئیس خزانه دار د ۱۷۶۶ تا سپتامر ۱۷۶۷) آمۊختاری کاری بکٱ. اسمیت دٱئن حق ٱندومی دانشجۊیا ناْ د میٛل گرت ولی دانشجۊیا زؽر بارش نرتن.
شٱئر گلاسگو پاتخت نازاری سی ونن ۉ دماجۊری ۉ یکیٛ د ساواریا رۊشناکاری اْسکاتلند بی. و یاْ گاتی رت د شٱئر پاریس شرۊ کرد د چک چنٱ کاری وا دۏگدۏر فرانسۊوا کنٱ دۏگدۏر دربار لۊئی پومزئم که وموسس ویر ۉ باورکو اومۊری فیزیوکراسی بی. وا یٱ که اْتقاتیٛا اۊسنی سرچشمٱ ثروت ناْ طلا ۉ نوقرٱ دونسنه، کنٱ زمیݩ ناْ یکونٱ سرچشمٱ ثروت میٛدونس ۉ اْتقات داشت که سرچشمٱ ثروت تولید ئٱ؛ و میٛگوت فقط دٱسٱیا کشاورز ره وندیٛار تۉلٛید ثروت د کومولٱیٱکی ئن. آدام اسمیت وا دۏگدۏرین کنٱ که ری و کشاورزی ۉ فیزیوکراتیٛا بی یاْ دل نۉیی. اسمیت نوئا د وریٱشتن د اْسکاتلند کتاو وارسی بیئن ۉ چی بیئن ثروت نه د سال ۱۷۷۶ زارۊیی درتیچ کرد.
